Mae’r ysgol ar agor ar hyn o bryd. Os bydd unrhyw newidiadau, byddwn yn eich hysbysu drwy’r app a thudalen …
Yn ein gwasanaeth ysgol gyfan y bore ‘ma, cyflwynodd rhai o Lysgenhadon Lles yr ysgol y Pum Ffordd at Les …
Llongyfarchiadau i’r criw arbennig yma am gynrychioli’r ysgol a’r rhanbarth yng Ngala Nofio Cenedlaethol yr Urdd yng Nghaerdydd Dydd Sadwrn. …
Testun Trafod yr wythnos hon yw: Beth a phwy ydych chi’n eu caru? This week’s ‘Testun Trafod’: What …
Cylchlythyr / Newsletter 25/1/19
Fel rhan o’n dathliadau Dydd Santes Dwynwen, roedd Llysgenhadon Iaith yr ysgol yn awyddus i gynnal cystadleuaeth ddylunio llwy garu. Os am y cyfle i ennill gwobr, mae angen i’ch plentyn ddylunio llwy garu sy’n cynrychioli ‘Cariad’ neu ‘Gymru’. Mae angen i’r dyluniad fod wedi ei ddechwelyd i’r ysgol erbyn Dydd Mercher, Ionawr 30ain.
Pob hwyl i rai o aelodau carfan nofio’r ysgol sy’n cynrychioli’r rhanbarth yfory yng Ngala Nofio Cenedlaethol yr Urdd. Bydd nofio a chystadlu ym Mhwll Rhyngwladol Caerdydd yn brofiad a hanner i’r plant. Siwrne saff i chi. Ewch amdani!
Mae pawb wedi mwynhau dathlu Dydd Santes Dwynwen yn gwisgo coch neu binc heddiw’n Ysgol Plas Coch. Diolch i Ddosbarth San Silyn am gyflwyno gwasanaeth am Santes Dwynwen ac i staff y gegin am baratoi bwyd arbennig.
Mae Chwefror 8fed yn #DyddMiwsigCymru. Un o’n targedau Siarter Iaith eleni yw hybu cerddoriaeth Gymraeg felly mae Llysgenhadon Iaith yr ysgol yn brysur yn paratoi ar gyfer y diwrnod. Mae’r Llysgenhadon wedi bod yn cyd-weithio ag Owain Williams o’r Urdd ar brosiect #DyddMiwsigCymru. Mae Ows wedi llunio rhestr fer o ganeuon Cymraeg ac mae’r Llysgenhadon yn awyddus i ddarganfod pa gân yw hoff gân y disgyblion. Oes modd i chi chwarae’r caneuon yn eich cartref fel bod ein disgyblion yn cael digon o gyfle i’w clywed os gwelwch yn dda? Bydd cyfle i bob un disgybl bleidleisio cyn #DyddMiwsigCymru. Mae posib gwrando ar y caneuon trwy ddefnyddio’r côd QR isod neu trwy ddilyn y ddolen. Diolch yn fawr.
Cofiwch fod y disgyblion yn cael gwisgo dillad coch neu binc i’r ysgol yfory fel rhan o’n dathliadau Dydd Santes Dwynwen.
Pob bore dydd Mawrth, bydd Testun Trafod yn cael ei gyhoeddi yn y gwasanaeth ysgol gyfan. Testun penodol ydy hwn i annog y disgyblion i drafod gwahanol bynciau. Bydd cyfle i’r plant drafod y testun yn y dosbarth, yn y neuadd amser cinio, ar y buarth amser chwarae ac o amgylch yr ysgol. Mae croeso i chi drafod y testunau gyda’ch plentyn hefyd. Mwynhewch!
Testun Trafod yr wythnos hon – Pe bai gen i dri dymuniad…
Mae Dydd Gwener yma, Ionawr 25ain, yn Ddydd Santes Dwynwen. Santes Dwynwen yw santes y cariadon yng Nghymru. Byddwn yn dathlu’r diwrnod yn yr ysgol a chaiff y disgyblion ddod i’r ysgol mewn dillad coch neu binc ar y diwrnod – nid oes angen talu am gael gwneud hynny. Mae’n gyfle i ni godi ymwybyddiaeth ein disgyblion o’u hetifeddiaeth Gymreig.
Braf oedd croesawu rhai o ddisgyblion a staff Ysgol y Rofft, Marford, i’r ysgol yn ystod amser cinio heddiw. Roedd disgyblion Ysgol y Rofft eisiau dysgu Gemau Buarth Cymraeg i’w chwarae yn ystod amser chwarae; swydd ein Llysgenhadon Iaith oedd eu cyflwyno i gêm neu ddwy. Roedd disgyblion y ddwy ysgol wedi mwyhau cymdeithasu a chwarae Gemau Buarth gyda’i gilydd.
Llythyr Eira Letter re snow
Cafwyd cryn dipyn o hwyl yng nghwmni Tudur Phillips a’i sioe Mewn Cymeriad, ‘Roald Dahl’. Yn y sioe, roedd disgyblion Blynyddoedd 3 a 4 wedi cyfarfod Alf – cymeriad lliwgar, diddorol, sy’n CARU darllen. Yn ei gôt amryliw unigryw, sy’n llond pocedi ar gyfer ei lyfrau, roedd Alf yn rhannu gyda’r plant ei gariad tuag at ddarllen, a datgelodd anturiaethau sy’n digwydd iddo pan mae’n dechrau darllen. Ei hoff awdur yn y byd yw Roald Dahl.
Llongyfarchiadau i rai o’n disgyblion Blynyddoedd 5 a 6 am gynrychioli’r ysgol yng nghystadleuaeth pêl-rwyd Urdd FfaW heddiw.
Parcio – Parking 15.1.19
Profion-2019-Tests
Mi fydd Clwb Pêl-rwyd yn ail gychwyn dydd Iau yma 10/01/19 yn neuadd yr ysgol ac yn gorffen am 4:30pm. Mae gennym gystadleuaeth pêl rwyd yr Urdd ar ddydd Mercher 16/01/19. Os ydy eich plentyn yn dymuno bod yn rhan o’rtîm mae’n hanfodol iddi/iddo ddod i’r ymarfer ar ôl ysgol dydd Iau yma.
Diolch yn fawr,
Miss Moreton
Mae’r cyfnod gwneud cais ar gyfer cael lle yn nosbarth Meithrin yr ysgol ym Medi 2019 wedi agor. Gellir gwneud …
