Cofiwch fod hi’n ddiwrnod di-wisg ysgol yfory, beth am siwmper/dillad Nadoligaidd? Hefyd, gall plant Cyfnod Allweddol 2 (Blynyddoedd 3 i …
Cylchlythyr / Newsletter 20.12
Fel sy’n arferol ar ddiwrnod olaf y tymor, bydd dydd Gwener yma, Rhagfyr 21ain yn ddiwrnod di-wisg yn yr ysgol. …
Aeth aelodau Blwyddyn 6 y Cyngor Ysgol draw i Marford heddiw i ymweld ag Ysgol y Rofft. Pwrpas yr ymweliad oedd i rannu syniadau am sut i hyrwyddo iechyd a lles yn ein hysgolion. Un syniad mae aelodau Cyngor Ysgol Plas Coch yn awyddus i’w gyflwyno’n ôl yn yr ysgol ydy i ethol Llysgenhadon Lles er mwyn bod yn gyfrifol am ddatblygu’r maes pwysig yma o fywyd yr ysgol.
Diolch yn fawr i chi unwaith eto am eich cymorth gyda’r gwisgoedd ar gyfer y cyngherddau Nadolig eleni; roedd y plant yn edrych yn wych. Mae’r staff wedi bod yn trafod ac yn meddwl y byddai’n syniad da cael stoc o wisgoedd yn yr ysgol ar gyfer y dyfodol. Os oes gennych wisgoedd Nadoligaidd nad ydach chi eu hangen ac yn meddwl cael gwared, byddwn wrth ein bodd yn eu derbyn yn yr ysgol os gwelwch yn dda. Diolch yn fawr iawn i chi am eich cydweithrediad.
Gobeithio eich bod wedi mwynhau’r cyngherddau Nadolig eleni. Cafwyd 4 cyngerdd bendigedig gan ddechrau gyda chyfle i ddathlu’r Nadolig gyda’r Meithrin a Derbyn, ‘Cerdyn Nadolig’ gan Blynyddoedd 1 a 2, ‘Babwshca’ gan Flynyddoedd 3 a 4 a ‘Carol yr Anifeiliaid’ gan Flynyddoedd 5 a 6. Llongyfarchiadau i bob un disgybl am berfformio’n wych ac i’r staff am eu gwaith caled. Diolch i chi hefyd, yn deulu ac yn ffrindiau, am eich cymorth gyda’r gwisgoedd, am helpu’r plant i ddysgu geiriau ac am ddod i wylio a chefnogi.
Neges gan Owain / A message from Owain:
Bore da,
‘Mond neges i ddweud bod yr Adran wedi’i ohirio heno gan ei fod hi’n gyfnod mor brysur gyda’r ‘Dolig!
Bydd yr Adran yn ail-ddechrau ar y 14eg o Ionawr – Y Fic, Wrecsam rhwng 4-5.30.
Diolch o flaen llaw a ‘Dolig Llawen!
Owain.
Cynhelir parti Nadolig Blwyddyn 1 a 2 yfory (Dydd Mawrth, Rhagfyr 18fed). Caiff y plant wisgo dillad eu hunain i …
Nodyn i’ch hatgoffa am ddisgo’r CRhA nos fory (Mawrth) yn yr ysgol. Manylion ar y poster. A reminder about the …
Mae CBSW wedi hysbysu’r ysgol ddiwedd wythnos diwethaf na fydd y bwriad o godi tal o £1 am ddefnyddio Clwb …
Mae Llysgenhadon Iaith yr ysgol wedi bod yn casglu syniadau er mwyn hybu’r iaith Gymraeg yn yr ysgol. Mae cydweithio agos rhwng y cartref a’r ysgol yn bwysig, felly, fel rhan o’u gwaith, maent yn awyddus i glywed barn y rhieni. Mae Llysgenhadon Blwyddyn 6 wedi llunio holiadur. A fyddech chi cystal ag ateb yr wyth cwestiwn byr trwy ddilyn y ddolen isod os gwelwch yn dda.
Holiadur Siarter Iaith i Rieni / Welsh Language Charter Questionnaire for Parents
Cafwyd noson hyfryd heno mewn Cyngerdd Nadolig yng Nghapel y Groes. Braf oedd rhannu llwyfan gydag Ysgol Bodhyfryd a’r delynores a chantores dalentog, Gwenan Gibbard. Diolch yn fawr iawn i’n disgyblion am ganu’n ardderchog, i deulu a ffrindiau am eich cefnogaeth ac i Miss Elen Mostyn a Miss Bethan Morris am eu gwaith caled.
Os hoffwch i’ch plentyn fynd i’r sinema wythnos nesaf, a wnewch chi yrru’r arian i’r ysgol erbyn yfory os gwelwch …
Llongyfarchiadau hefyd i dîm pêl-droed yr ysgol am ennill twrnament i ysgolion Cymraeg Wrecsam draw yn Ysgol Morgan Llwyd heddiw. Gwych bechgyn!
Llongyfarchiadau i dîm pêl-rwyd yr ysgol am ennill twrnament yn Ysgol Morgan Llwyd heddiw i ysgolion Cymraeg Wrecsam. Da iawn chi ferched!
Ni fydd clwb pêl-rwyd arall cyn ddiwedd y tymor. Mi fydd y clwb yn ail gychwyn ar Ddydd Iau, Ionawr 10fed.
Rydym yn ddiolchgar iawn i Glwb Pêl-droed Ieuenctid Rhosddu United am wahodd staff yr ysgol i ymuno â nhw i dderbyn hyfforddiant ar sut i ddefnyddio’r diffibrilydd sydd ar wal y tu allan i’r ysgol. Aeth Miss Rebecca Scott a Mr Geraint Jones ar yr hyfforddiant ond gobeithio na fydd angen defnyddio’r peiriant! Diolch i’r clwb am gyd-weithio’n agos â’r ysgol ac i Tomos o Wasanaeth Ambiwlans Cymru am arwain yr hyfforddiant.
At sylw rhieni’r plant sydd wedi eu dewis i fod yn aleod o’r tîm pêl-rwyd i gystadlu yn y twrnament Dydd Mercher, 12/12/2018.
Bydd y bws yn gadael yr ysgol am 9:15 ac yn dychwelyd am 12:15. Bydd rhaid i’ch plentyn ddod i’r ysgol yn gwisgo trwsus byr du, crys polo gwyrdd yr ysgol a thracwisg. Yn ogystal, bydd angen diod o ddŵr, bwyd bore iach a chôt.
Bydd angen i’ch plentyn adael i Miss Moreton wybod yfory os ydy hi’n gallu dod os gwelwch yn dda
Diolch yn fawr,
Miss Moreton.
