Nodyn i atgoffa disgyblion Blynyddoedd 5 a 6 eu bod angen eu gwisgoedd cyngerdd Nadolig i’r ysgol yfory. Diolch.
Disgo CRhA / PTA Disco
Nodyn i’ch hatgoffa am ddisgo’r CRhA nos fory (Mawrth) yn yr ysgol. Manylion ar y poster. A reminder about the …
Blwyddyn6/Year6
Clwb Brecwast / Breakfast Club
Mae CBSW wedi hysbysu’r ysgol ddiwedd wythnos diwethaf na fydd y bwriad o godi tal o £1 am ddefnyddio Clwb …
Holiadur Siarter Iaith i Rieni / Welsh Language Charter Questionnaire for Parents
Mae Llysgenhadon Iaith yr ysgol wedi bod yn casglu syniadau er mwyn hybu’r iaith Gymraeg yn yr ysgol. Mae cydweithio agos rhwng y cartref a’r ysgol yn bwysig, felly, fel rhan o’u gwaith, maent yn awyddus i glywed barn y rhieni. Mae Llysgenhadon Blwyddyn 6 wedi llunio holiadur. A fyddech chi cystal ag ateb yr wyth cwestiwn byr trwy ddilyn y ddolen isod os gwelwch yn dda.
Holiadur Siarter Iaith i Rieni / Welsh Language Charter Questionnaire for Parents
Cyngerdd Nadolig Capel y Groes / A Christmas Concert at Capel y Groes
Cafwyd noson hyfryd heno mewn Cyngerdd Nadolig yng Nghapel y Groes. Braf oedd rhannu llwyfan gydag Ysgol Bodhyfryd a’r delynores a chantores dalentog, Gwenan Gibbard. Diolch yn fawr iawn i’n disgyblion am ganu’n ardderchog, i deulu a ffrindiau am eich cefnogaeth ac i Miss Elen Mostyn a Miss Bethan Morris am eu gwaith caled.
Sinema/Cinema
Os hoffwch i’ch plentyn fynd i’r sinema wythnos nesaf, a wnewch chi yrru’r arian i’r ysgol erbyn yfory os gwelwch …
Pencampwyr Pêl-droed / Football Champions
Llongyfarchiadau hefyd i dîm pêl-droed yr ysgol am ennill twrnament i ysgolion Cymraeg Wrecsam draw yn Ysgol Morgan Llwyd heddiw. Gwych bechgyn!
Pencampwyr Pêl-rwyd / Netball Champions
Llongyfarchiadau i dîm pêl-rwyd yr ysgol am ennill twrnament yn Ysgol Morgan Llwyd heddiw i ysgolion Cymraeg Wrecsam. Da iawn chi ferched!
Clwb Pêl-rwyd / Netball Club
Ni fydd clwb pêl-rwyd arall cyn ddiwedd y tymor. Mi fydd y clwb yn ail gychwyn ar Ddydd Iau, Ionawr 10fed.
Hyfforddiant Diffibrilydd / Defibrillator Training
Rydym yn ddiolchgar iawn i Glwb Pêl-droed Ieuenctid Rhosddu United am wahodd staff yr ysgol i ymuno â nhw i dderbyn hyfforddiant ar sut i ddefnyddio’r diffibrilydd sydd ar wal y tu allan i’r ysgol. Aeth Miss Rebecca Scott a Mr Geraint Jones ar yr hyfforddiant ond gobeithio na fydd angen defnyddio’r peiriant! Diolch i’r clwb am gyd-weithio’n agos â’r ysgol ac i Tomos o Wasanaeth Ambiwlans Cymru am arwain yr hyfforddiant.
Twrnament Pêl-rwyd / Netball Tournament
At sylw rhieni’r plant sydd wedi eu dewis i fod yn aleod o’r tîm pêl-rwyd i gystadlu yn y twrnament Dydd Mercher, 12/12/2018.
Bydd y bws yn gadael yr ysgol am 9:15 ac yn dychwelyd am 12:15. Bydd rhaid i’ch plentyn ddod i’r ysgol yn gwisgo trwsus byr du, crys polo gwyrdd yr ysgol a thracwisg. Yn ogystal, bydd angen diod o ddŵr, bwyd bore iach a chôt.
Bydd angen i’ch plentyn adael i Miss Moreton wybod yfory os ydy hi’n gallu dod os gwelwch yn dda
Diolch yn fawr,
Miss Moreton.
Atgoffa Cyngherddau Nadolig Adran Iau / Reminder – Juniors Christmas Concerts
Atgoffa Cyngherddau Nadolig
Cylchlythyr / Newsletter
Cylchlythyr / Newsletter 7/12
Coeden Merched y Wawr / Merched y Wawr’s Tree
Diolch yn fawr iawn i Gangen Wrecsam Merched y Wawr am eu rhodd arbennig o goeden i’r ysgol. Mae’r gangen yn dathlu hanner can mlwyddiant eleni ac fel rhan o’u dathliadau yn cyflwyno coeden i bob un o ysgolion Cymraeg Wrecsam. Llongyfarchiadau a phen-blwydd hapus!
Siwmperi Nadolig / Christmas Jumpers
Cofiwch y gall y plant wisgo siwmper Nadolig i’r ysgol fory gan ei bod yn ddiwrnod cinio Nadolig. Does dim …
Siwmperi Nadolig 6/12/18 Christmas Jumpers
Gan fod staff y gegin yn gweini cinio Nadolig Dydd Iau yma, Rhagfyr 6ed, mae croeso i bawb wisgo siwmper Nadolig i’r ysgol. Gall plant y Feithrin wisgo siwmper Nadolig hefyd, er nad ydynt yn gallu cael cinio ysgol. Nid ydym yn gofyn am gyfraniad i wneud hyn.
Ar ran holl blant yr ysgol, hoffem ddiolch yn fawr iawn i staff y gegin am eu gwaith caled trwy gydol y flwyddyn.
Clwb Pêl-rwyd Nos Fory – Tomorrow Night’s Netball Club
Oherwydd y diffyg golau dydd a’r tywydd gwlyb, bydd y Clwb Pêl-rwyd yn y neuadd ar ôl ysgol yfory. Gofynnwn i chi gasglu’ch plentyn o’r neuadd os gwelwch yn dda.
Sanau Od / Odd Socks
Diolch i’r plant a’r staff am gefnogi’r ymgyrch sanau od heddiw er mwyn dathlu’r ffaith fod pawb yn wahanol. Diolch i’r Cyngor Ysgol am drefnu’r diwrnod ac am gyflwyno gwasanaeth ar sut i drin eraill â pharch.