Blwyddyn1/Year1

Ar ddydd Mawrth, Tachwedd 27ain, rydym ni, Cyngor Ysgol Plas Coch, yn cyflwyno gwasanaeth i’r ysgol gyfan.  Yn ein gwasanaeth rydym am ddathlu bod pawb yn wahanol ac am bwysleisio’r pwysigrwydd o barchu gwahaniaeth.

Er mwyn ein helpu ni yn y gwasanaeth, rydym yn gofyn i’r holl ddisgyblion ddod i’r ysgol Dydd Mawrth, Tachwedd 27ain yn gwisgo sanau od! Maent dal angen gwisgo eu gwisg ysgol ond gyda sanau od! Diolch am eich cyd-weithrediad. 

Mwy/More

Mae criw o ddisgyblion Blwyddyn 6 wedi bod yn derbyn gwobr Ysgolion Iach ar ran yr ysgol yng Nghanolfan Catfin Finch y bore ‘ma.  Diolch i Miss Rebecca Scott am fynd â’r plant ac am ei gwaith caled yn arwain yr elfen  bwysig yma o fywyd yr ysgol. 

Mwy/More

Aeth rhai o aelodau ein Cyngor Ysgol draw i Ysgol Bro Alun y prynhawn ‘ma i gyfarfod Cyngor Ysgol Bro Alun.  Mae gan aelodau cyngor y ddwy ysgol swydd bwysig iawn ac roedd hi’n gyfle i’r disgyblion rannu syniadau.

Mwy/More

Mae’r bocsys T4U wedi dechrau ar eu taith i ddwyrain Ewrop. Diolch i chi am gefnogi’r elusen. Rydym yn derbyn bocsys yn yr ysgol tan ddydd Gwener. 

Mwy/More

Pleser oedd croesawu un o gyn-ddisgyblion Ysgol Plas Coch yn ôl i’r ysgol y bore ‘ma.  Daeth Robin Jones a gweddill y band The Trials Of Cato, William Addison a Tomos Williams, i ddiddanu’r disgyblion a’r staff cyn ateb llwyth o gwestiynau diddorol.  Syniad llysgenhadon iaith yr ysgol oedd gwahodd band sy’n defnyddio’r Gymraeg i’r ysgol er mwyn hyrwyddo’r iaith a cherddoriaeth Gymraeg.  Dewis amlwg oedd The Trials of Cato gan fod dau o’r tri o’r ardal, a Robin, wrth gwrs, yn gyn-ddisgybl.  Cafodd y llysgenhadon gyfle i gynnal cyfweliad â’r band er mwyn eu holi am bwysigrwydd yr iaith yn eu llwyddiant.  Diolch yn fawr i The Trials of Cato.

Mwy/More

Diolch i chi am gefnogi Ffair Nadolig yr ysgol heno.  Am ddechrau gwych i gyfnod prysur yr Wŷl.  Diolch o galon i Gymdeithas Rhieni ac Athrawon yr ysgol am y gwaith trefnu a pharatoi ac i rai o ddisgyblion yr ysgol am helpu.

Mwy/More

Cofiwch fod Ffair Nadolig yr ysgol heno yn y neuadd rhwng 3:30pm a 6:00pm.

Mwy/More

Diolch i griw Agor y Llyfr am gyflwyno’r stori ‘Y Picnic Perffaith’ yn ein gwasanaeth heddiw. 

Mwy/More

Diolch am gefnogi BBC Plant Mewn Angen heddiw.

Mwy/More

Braf oedd croesawu Pudsey ac Aled Hughes o BBC Radio Cymru i’r ysgol y bore ‘ma.  Daeth y ddau yma wedi i Ela o Flwyddyn 4 anfon e-bost at Aled Hughes yn ei wahodd i’r ysgol i gasglu pawennau llawen.  Casglodd 333 Pawen Lawen gan blant yr ysgol fel rhan o’i ymgyrch BBC Plant Mewn Angen eleni.  Mae mwy o wybodaeth am ei ymgyrch yma:

https://www.bbc.co.uk/programmes/p06p27b1

Diolch i Ela, Aled Hughes ac wrth gwrs, Pudsey.

Cofiwch fod y plant yn gallu cefnogi BBC Plant Mewn Angen yfory:

Plant Mewn Angen 16.11.2018 Children In Need

Mwy/More